CRITA RAKYAT

A.    Crita Rakyat

Crita Rakyat yaiku crita kang dicritakake kanthi turun-temurun utawa kang wis dadi tradhisi ing masyarakat. Crita rakyat kasebut kacritakake ing maneka werna kahanan, ana ing sajroning kumpulan, utawa pinangka crita pamancing impen, lan sapiturute. Tumraping bocah-bocah, crita rakyat uga bisa migunani pinangka pendhidhikan budi pekerti, amarga budi pekerti luhur tumrap bocah-bocah. Crita rakyat duwe unsur-unsur pambangun, kayata tema, tokoh utawa penokohan, latar (setting), alur (plot), sudhut pandhang, lan amanat.

Crita rakyat ngemu piwulang utawa nilai-nilai, antarane yaiku nilai-nilai budaya kang nduweni gegayutan karo pamikiran, kabisan, lan karya cipta manungsa, nilai-nilai sosial kang nduweni gegayutan karo tata laku antaraning manungsa nduweni sapadha, lan nilai-nilai moral kang nduweni gegayutan karo tumindak apik lan elek kang dadi dhasare kauripane manungsa lan masyarakate.

》   Titikane crita rakyat 

1. Panyebarane kanthi lesan
2. Duweni sipat tradhisional
3. Sugih cakrik lan variasi
4. Jenenge pangriptane ora konangan (anonim yaiku crita mau ora kaweruhan sapa sing nganggit) 
5. Wangune tiron (klise) anda ing susunan utawa cara pangungkapane

》   Unsur crita rakyat

1. Tema yaiku Ide pokok utawa permasalahan utama kang ndhasari lakune crita.
2. Latar (setting) yaiku latar belakang kang mbantu cethaning laku crita kang ngemot wektu,papan panggonan lan sosial budaya.
3. Paraga yaiku paraga ing sajroning crita.Paraga bisa dingerteni karaktere saka tumindake,ciri isike, lingkungane, lan sapanunggale 
4. Alur (plot) yaiku urut-urutane prastawa ing sajroning crita.
5. Amanat yaiku pesen kang ana ing crita 
6. Sudhut pandhang yaiku Nyritakake tokoh,barang,papan,lan sapanunggale.

》  Wujude crita rakyat miturut William R.Vascom ana telu golongan:

1. Mitos : yaiku crita kang dianggep bener-bener kedadeyan. Kedadeyan ing alam dharatan, segara utawa langit. °Tuladhane crita Nyi Rara Kidul,Nyi Lanjar,lan sapanunggale.
2. Legendha : yaiku crita kang dianggap bener-bener kedadeyan, biasane crita mau ana petilasan arupa watu, gunung kali, lan sapanunggale. °Tuladhane crita Baru Klinting,Kawah Sikidang,Sumur Jalatundha,Rara Jonggrang,lan sapanunggale.
3. Dongeng : yaiku crita kang ngayawara lan ora bisa dipercaya. °Tuladhane Kancil Nyolong Timun,Keong mas,Lutung Kasarung,lan sapanunggale.

B. SINOPSIS 

     Sinopsis yaiku ringkesan crita saka alur kang dawa dadi cekak nanging bisa njlentrehake crita sakabehe. Nalika bakal nulis sinopsis,bab-bab kang kudu digatekake yaiku:

    

     a. Tema            : Gagasan pokok,pokok cerita.

     b. Latar            : Papan lan wektu dumadine prastawa.

     c. Alur              : Lakuning crita.

     d. Penokohan : Paraga Crita

     Saka katrangan kasebut banjur bisa digawe sinopsise

     

C.  Tuladhane Crita rakyat

    1.  Timun Mas 

    2. Sangkuriang

    3. Bawang Merah lan Bawang Putih

    4. Nyi Rara Kidul 

    5. Baru Klinthing

     6. Lutung Kasarung

     7. Kancil Nyolong Timun

Sumber : Gegaran Nyinau Basa Jawa 2 kelas XI SMA/SMK/MA