Teks Eksposisi

  TEKS EKSPOSISI

   Teks eksposisi iku sawijining karangan kang tujuawanne nerangake utawa njelasake kedadeyan,kahanan,utawa swasana tinamtu supaya wong kang maca bisa mudheng lan ngerti kanthi cetha. Mula saka iku, karangan eksposisi asipat menehi ngerti, aweh pamrayogi (saran), utawa ngandharake sawijining bab. Panulise iki bias ditindakake lumantar sadhengah cara penjelasan, ing antarane penjelasan proses lan penjelasan ilustrasi. Sumbering bisa saka asil pengamatan, panaliten, utawa pengalaman.

1.    Ngrembug teks eksposisi babagan tontonan 

         Eksposisi mujudake swijining teks kang madharake sawijining bab kanggo pamaos supaya               pamaos oleh informasi kang ganep sabanjure bisa ngrembakake pangartene sing maca.Bab                  kang  diandharake ing teks eksposisi bisa awujud:
       a) Dhata faktual,yaiku sawijining kahanan kang nyata ana,lan bisa dicritakake kanthi cetha
       b) Sawijining analisis utawa panafsiran objektif fakta.
       c) Fakta ngenani pawongan kang gondhelan kenceng marang sawijining keyakinan

2.    Penjelasan proses utawa operasional iku penjelasan kang mbudi daya mangsuli pitakon:

       a) Kepriye sawijine pakaryan?

       b) Kepriye sawijine dumadi?

       c) Objek utawa bab iki klebu tahap kang endi?

       d) Objek utawa garapan iki dumadi saka tahap-tahap endi wae?

3.   Jinise wacana eksposisi:

      a) Eksposisi definisi

      b) Eksposisi proses
      c) Eksposisi klasifikasi

      d) Eksposisi ilustrasi (conto)

      e) Eksposisi perbandingan lan pertentangan

      f)  Eksposisi laporan

4.    Titikane teks eksposisi yaiku:
       a)Ngandharake panemu utawa gagasan,
       b)  Nuduhake kahanan sanyatane,
       c) Nggunakake analisis lan sintesis
       d) Sumber ide bisa saka pangalaman,sikap utawa keyakinan.

5.    Struktur teks eksposisi yaiku:
       a.) Tesis (pambuka) Isine panemu saka panyerat ngenani prekara kang arep diadharake,
       b.) Argumentasi (isi) andharan bukti,alesan,saka panemu kang wis diandharake ing parangan                   tesis,
       c.) Panutup utawa panegesan ulang kang isine nguwatake maneg arguman adhedhasar bukti                    kang wis diandharake ing parangan argumentasi

6.    Nulis teks Eksposisi
       Urutan carane gawe teks eksposisi yaiku:
       a) Nemtokake undheraning perkara utawa tema,
       b) Nemtokake ancas utawa tujuan
       c) Ngumpulke dhata saka maneka sumber,
       d) Gawe cengkorongan
       e) Ngrembakake cengkorongan dadi teks eksposisi

• Wacana teks eksposisi ngenani tontonan ing ngisor iki kanthi permathi!

Sumber : http://materibahasajawasmakanza.blogspot.com/2016/03/normal-0-false-false-false-en-us-x-none_21.html

               Gegaran Nyinau Basa Jawa 2 kelas XI SMA/SMK/MA